પોતાના બોસની પુત્રી સાથે પરેશ રાવલે કર્યા હતા લગ્ન, પ્રપોઝ કરતી વખતે તેણે કહ્યું- મૃત્યુ સુધી..

હિન્દી સિનેમાની ઘણી શ્રેષ્ઠ ફિલ્મોમાં કામ કરી ચૂકેલા જાણીતા અભિનેતા પરેશ રાવલે હાલમાં જ પોતાની લવ સ્ટોરી વિશે વાત કરી છે. કોમેડી પાત્ર હોય કે ભયાનક ખલનાયકની ભૂમિકા હોય, પરેશ રાવલ પોતાના દરેક પાત્રથી દર્શકોના દિલ જીતવામાં સફળ રહ્યા છે. તેના તાજેતરના એક ઇન્ટરવ્યુમાં, પરેશે પોતાની અને તેની પત્ની અને ભૂતપૂર્વ અભિનેત્રી સ્વરૂપ સંપતની લવ સ્ટોરીનો ખુલાસો કર્યો છે.

પોતાના ઈન્ટરવ્યુમાં પરેશે જણાવ્યું કે કેવી રીતે તેણે સ્વરૂપને લગ્ન માટે પ્રપોઝ કર્યું અને તે સ્વરૂપ માટે ખૂબ જ પાગલ થઈ ગયો. પરેશના કહેવા પ્રમાણે, તે કોઈપણ ભોગે સ્વરૂપ સંપતને મેળવવા માંગતો હતો અને તેની સાથે લગ્ન કરવા માંગતો હતો. પરેશે તેના મિત્રને દાવા સાથે કહ્યું હતું કે તે સ્વરૂપ સાથે લગ્ન કરશે.

તેના અને સ્વરૂપના સંબંધ વિશે વાત કરતાં પરેશે કહ્યું કે, મારી સાથે મારો મિત્ર મહેન્દ્ર જોશી હાજર હતો. મેં મારા મિત્રને કહ્યું કે હું સ્વરૂપ સાથે લગ્ન કરવા માંગુ છું અને તે મારી પત્ની બનશે. મહેન્દ્ર જોષીએ પરેશને જવાબ આપ્યો કે તું જે કંપનીમાં કામ કરે છે તે કંપનીના બોસની તું દીકરી છે તેની ખબર છે. તેના પર અભિનેતાએ કહ્યું કે, તે ગમે તેની દીકરી હોય, બહેન હોય, મા હોય, હું તેની સાથે જ લગ્ન કરીશ.

પરેશ વધુમાં જણાવે છે કે આ ઘટનાના લગભગ બે-ત્રણ મહિના પછી તેણે સ્વરૂપને કહ્યું કે, હું તારી સાથે લગ્ન કરવા માંગુ છું, પણ મને એવું ના કહેશો કે ચાલો એકબીજાને જાણી લઈએ… કારણ કે મૃત્યુ સુધી કોઈ કોને ઓળખી શકતું નથી. પરેશ અને સ્વરૂપે 12 વર્ષ પછી લગ્ન કર્યા.

પરેશ રાવલે તેની પત્ની સ્વરૂપને કહ્યું હતું કે, મેં મારા મિત્રને કહ્યું હતું કે હું તારી સાથે લગ્ન કરીશ અને બરાબર 12 વર્ષ પછી મેં તે જ છોકરી સાથે લગ્ન કર્યા જેના વિશે મેં કહ્યું હતું કે હું તેની સાથે લગ્ન કરીશ. તમને જણાવી દઈએ કે પરેશ અને સ્વરૂપના લગ્ન વર્ષ 1987માં થયા હતા. બંને આદિત્ય રાવલ અને અનિરુદ્ધ રાવલ નામના બે પુત્રોના માતા-પિતા છે.

પરેશ રાવલના વર્ક ફ્રન્ટની વાત કરીએ તો તેમની ફિલ્મ ‘હમ દો હમારે દો’ 29 ઓક્ટોબરે રિલીઝ થઈ રહી છે. ફિલ્મમાં કૃતિ સેનન અને રાજકુમાર રાવ મહત્વની ભૂમિકામાં જોવા મળશે.

મિસ ઈન્ડિયા રહી ચૂકી છે સ્વરૂપ

સ્વરૂપ એક સમયે ખૂબ જ પ્રખ્યાત હતા. 62 વર્ષીય સ્વરૂપે વર્ષ 1979માં મિસ ઈન્ડિયાનો ખિતાબ જીતીને ઘણી લોકપ્રિયતા મેળવી હતી. આ પછી તેણે ફિલ્મો અને ટીવીમાં પણ કામ કર્યું. તે ‘યે જો હૈ ઝિંદગી’ નામની ટીવી સિરિયલમાં જોવા મળી હતી.તે ‘કરિશ્મા’ નામની ફિલ્મમાં પણ જોવા મળી હતી.

1984માં આવેલી ફિલ્મમાં તે બિકીની પહેરીને બોલ્ડ સીન્સ આપવાને કારણે ચર્ચામાં રહી હતી. તમને જણાવી દઈએ કે ફિલ્મમાં કમલ હાસન અને રીના રોય જેવા સ્ટાર્સે મહત્વની ભૂમિકા ભજવી હતી. સ્વરૂપ ‘નરમ ગરમ’ (1981), ‘હિમ્મતવાલા’ (1983), ‘સાથિયા’ (2002), સપ્તપદી (2013) અને ‘કી એન્ડ કા’ (2016) જેવી ફિલ્મોનો પણ ભાગ રહી ચુકી છે.