અમરેલીના આ યુવકે બનાવ્યું એક એવું ટ્રેકટર કે જે માત્ર 18 રૂપિયામાં ખેતરમાં 10 કલાક સુધી કામ કરી શકશે

આજે પેટ્રોલ અને ડીઝલના ભાવમાં સતત વધારો થઈ રહ્યો છે અને આ વધતા ભાવ ના લીધે સૌથી વધુ તકલીફ ખેડૂતોને પડી રહી છે. ખેડૂતોને સૌથી મોટો ખર્ચ ટ્રેકટરનો થઇ રહ્યો છે.

ડીઝલના ભાવ વધતા હવે ખેડૂતોની ખેતી પણ મોંઘી થઇ ગઈ છે. ત્યારે આજે અમે તમને એક એવા ટ્રેકટર વિશે માહિતી આપીશું. જે તમને મોંઘા ખર્ચની ચિંતામાંથી છુટકારો આપવી દેશે.

આ એક નાનું એવું ઇલેક્ટ્રિક ટ્રેકટર છે. જેને ઇલેટ્રીક સનેડો નામ આપવામાં આવ્યું છે. આ ટ્રેકટર તમને એટલું સસ્તું પડશે કે માત્ર 18 રૂપિયા ખર્ચ કરીને તમે આ ટ્રેક્ટર પર 10 કલાક કામ કરી શકો છો.

આ ટ્રેક્ટરને અમરેલીના શેડુભાર ગામના વંદિતભાઈ નામના વ્યક્તિએ બનાવ્યું છે. તેમને વધતા જતા ડીઝલના ભાવથી ખેતી ખુબજ મોંઘી બની રહી છે. તો વંદિતભાઈ એ આ સમસ્યાના નિવારણરૂપે પોતાનું એક ઇલેક્ટ્રિક ટ્રેકટર બનાવવાનું નક્કી કર્યું અને વંદિતભાઈ આ ઇલેક્ટ્રિક ટ્રેકટર બનાવવામાં સફળ રહ્યા.

આજે તેમના દ્વારા બનાવેલું ઇલેક્ટ્રિક ટ્રેકટર મોટા ટ્રેકટર દ્વારા થતા બધા જ કામ કરી શકે છે. એ પણ માત્ર 18 રૂપિયામાં. જો તમે ડીઝલ ટ્રેકટર દ્વારા કઈ કામ કરો તો સામાન્ય રીતે 1000 રૂપિયા જેટલો ખર્ચ થતો હોય છે. તેના મુકાબલામાં આ ટ્રેક્ટર એટલું જ કામ માત્ર 18 રૂપિયામાં કરશે. આ ટ્રેકટર અવાજ પણ નથી કરતુ અને આ ટ્રેકટરની કિંમત 2 લાખ રૂપિયા રાખવામાં આવી છે.