મહિને 500 રૂપિયા કમાણીથી સુનીલ ગ્રોવરે પોતાની કારકિર્દીની શરૂઆત કરી, ‘ગુત્થી’ બનીને ઘરે ઘરે પ્રખ્યાત થયા, આજે કમાઈ છે અધધ રૂપિયા

આજે એટલે કે 3 ઓગસ્ટ પ્રખ્યાત હાસ્ય કલાકાર સુનીલ ગ્રોવરનો જન્મદિવસ છે. ક્યારેક ‘ગુત્થી’ બનીને, ક્યારેક ‘ડોક્ટર મશૂર ગુલાટી’ બનીને અને ક્યારેક ‘સંતોષ ભાભી’ બનીને ફેન્સનું ઘણું મનોરંજન કર્યું છે. ટીવીથી બોલીવુડ સુધી સુનીલ ગ્રોવરની સફર સરળ નહોતી. શરૂઆતના સમયમાં સુનીલ ગ્રોવરને ઘણી મુશ્કેલીઓનો સામનો કરવો પડ્યો હતો. તમને જાણીને નવાઈ લાગશે કે સુનીલ ગ્રોવરની પહેલી કમાણી માત્ર 500 રૂપિયા હતી. આ વાતનો ખુલાસો સુનીલ ગ્રોવરે કર્યો હતો.

સુનીલનો જન્મ 3 ઓગસ્ટ 1977 ના રોજ હરિયાણાના એક નાના ગામમાં થયો હતો. તેને બાળપણમાં ફિલ્મો જોવાનો ખૂબ શોખ હતો. તે અમિતાભ બચ્ચન અને શાહરુખની ફિલ્મો જોઈ તેના જેવા બનવાનું સપનું જોતો હતો. કહેવાય છે કે જ્યારે સુનીલ નવમા ધોરણમાં હતો ત્યારે તેના પિતાએ તેને તબલા વગાડવાનું શીખવા માટે મોકલવાનું શરૂ કર્યું. તે જ સમયે, જ્યારે સુનીલ મોટો થયો ત્યારે તે ફિલ્મ થિયેટરમાં કામ કરવા માંગતો હતો.

સુનીલ ગ્રોવરે એક વખત પોતાના સોશિયલ મીડિયા એકાઉન્ટ પર પોતાના અંગત જીવન નો એક કિસ્સો શેર કર્યો હતો. તેણે લખ્યું, હું હંમેશા અભિનય અને લોકોનું મનોરંજન કરવામાં સારો હતો. મને યાદ છે કે જ્યારે હું 12 માં ધોરણમાં હતો ત્યારે મેં એક નાટક સ્પર્ધામાં ભાગ લીધો હતો, તે જોઈને ત્યાં આવેલા મુખ્ય અતિથિએ મને કહ્યું કે મારે તેમાં ભાગ ન લેવો જોઈએ કારણ કે તે અન્ય લોકો માટે અન્યાયી હશે.

તે પછી મેં થિયેટરની તાલીમ લીધી અને હું મુંબઈ આવ્યો. પરંતુ થોડા મહિનાઓ સુધી મેં ફક્ત પાર્ટી કરી. મેં મારી બચત સાથે પોશ વિસ્તારમાં એક ઘર ભાડે લીધું હતું, હું તે સમયે માત્ર 500 રૂપિયા કમાતો હતો પરંતુ મને ખાતરી હતી કે હું જલ્દી સફળ થઈશ.

તેણે આગળ લખ્યું, મને જલ્દી જ સમજાયું કે હું અહીં એકલો નથી, મારા જેવા ઘણા લોકો છે જે તેમના શહેરના સુપરસ્ટાર છે. પરંતુ અહીં માત્ર એક સંઘર્ષ કરનાર છે. ટૂંક સમયમાં મારી આવકના તમામ રસ્તાઓ બંધ થઈ ગયા અને મેં મારા પિતાને યાદ કરતા વિચાર્યું કે હું મારા સપનાઓને આ રીતે જવા દેતો નથી. મેં કામ કરવાનું શરૂ કર્યું, મને ટીવીમાં કામ કરવાની ઓફર મળી પરંતુ સમયસર પહોંચી શક્યો નહીં, તેથી મારી બદલી કરવામાં આવી. તે પછી મેં વોઇસ ઓવરનું વર્ક કરવાનું શરૂ કર્યું અને મને રેડિયો પર કામ કરવાની તક પણ મળી. આ શો દિલ્હીથી ચાલતો હતો પરંતુ તે વાયરલ થયો અને પછી સમગ્ર દેશમાં પ્રસારિત થયો.

સુનીલે લખ્યું હતું કે, મેં રેડિયો અને ટીવી સાથે જોડાયેલા ઘણા કામ કર્યા, અને પછી મને ગુત્થીનો રોલ મળ્યો, જેના કારણે હું ઘરે ઘરે પ્રખ્યાત થયો. મને યાદ છે કે એકવાર હું લાઈવ સ્ટેજ શો કરી રહ્યો હતો ત્યારે લોકો મારા માટે બૂમો પાડવા લાગ્યા, મને લાગ્યું કે આ લોકો બીજા કોઈ માટે બૂમ પાડી રહ્યા હશે પરંતુ ત્યાં માત્ર હું જ હતો મને ખૂબ જ આશ્ચર્ય થયું કે આ બધું મારા માટે જ હતું. મારા જેવા છોકરાને આ બધું મેળવવામાં ઘણો સમય લાગ્યો.

તમને જણાવી દઈએ કે સુનીલ ગ્રોવર કપિલ શર્મા સાથે ‘કોમેડી નાઈટ્સ વિથ કપિલ’માં ગુત્થી તરીકે અને ‘ ધ કપિલ શર્મા શો’માં ડોક્ટર મશૂર ગુલાટી તરીકે દર્શકોનું મનોરંજન કરતો હતો. પરંતુ સુનીલ અને કપિલની મિત્રતા 2017 માં તૂટી ગઈ. આ પછી કપિલ અને સુનીલે અલગ અલગ શો કરવા લાગ્યા.

સુનીલ ગ્રોવરે 1998 માં ફિલ્મ ‘પ્યાર તો હોના હી થા’થી પોતાની કારકિર્દીની શરૂઆત કરી હતી. આ પછી સુનીલ ગ્રોવર ધ લિજેન્ડ ઓફ ભગત સિંહ, મૈં હુ ના, ગજિની, જીલ્લા ગાઝિયાબાદ, ગબ્બર ઇઝ બેક, બાગી અને ભારતમાં જોવા મળ્યા હતા. તેણે વેબ સીરીઝ તાંડવ અને સનફ્લાવરમાં પણ કામ કર્યું છે.

સુનીલ ગ્રોવર એક મહિનામાં 25-30 લાખ રૂપિયાથી વધુ કમાય છે. તેમની આવક એક વર્ષમાં 3 કરોડ રૂપિયાથી વધુ છે. એટલું જ નહીં, સુનીલ ગ્રોવર એક ફિલ્મ માટે 25-30 લાખ રૂપિયા લે છે. તે જ સમયે, તે ટીવી પર એક એપિસોડ માટે 10-15 લાખ રૂપિયા લે છે.