કંઈક આ રીતે શરૂ થઈ શિલ્પા અને રાજની લવ સ્ટોરી, લગ્ન કરવા માટે પહેલી પત્નીને આપ્યા હતા છૂટાછેડા

શિલ્પા શેટ્ટી બોલિવૂડની જાણીતી અભિનેત્રી છે. જયારે રાજ કુંદ્રા ખૂબ મોટો ઉદ્યોગપતિ છે અને તેની કુલ સંપત્તિ અંદાજિત 2700 કરોડ રૂપિયા છે. તે શિલ્પા સાથે લગ્ન પહેલા લંડનમાં રહેતા હતા. લગ્ન કર્યા પછી તે લંડનથી મુંબઇ શિફ્ટ થઈ ગયા.

આ રીતે શરૂ થઈ લવ સ્ટોરી

લંડનમાં રાજ ની મુલાકાત શિલ્પા સાથે થઈ હતી. જે બાદ તેઓએ એકબીજાને ડેટ કરવાનું શરૂ કર્યું. રાજ અને શિલ્પાએ ઘણાં વર્ષો સુધી ડેટિંગ પછી લગ્ન કર્યા. હકીકતમાં વર્ષ 2007 માં શિલ્પાએ યુકે સ્થિત રિયાલિટી શો ‘બિગ બ્રધર’ ની સીઝન 5 માં ભાગ લીધો હતો અને આ શો જીતી લીધો હતો.

આ શો પછી શિલ્પા શેટ્ટી લંડનમાં પરણિત ઉદ્યોગપતિ રાજ કુંદ્રાને મળી હતી. જે શિલ્પા શેટ્ટીના નામ પર બનેલા પરફ્યુમના પ્રમોશનમાં તેની મદદ કરી રહ્યા હતા. જલ્દીથી બંનેની નિકટતા વધવા લાગી. એવું કહેવામાં આવે છે કે અફેરના દિવસોમાં રાજ કુંદ્રા શિલ્પા શેટ્ટીને એક કરતા વધારે મોંઘી ગિફ્ટ આપતા હતા.

પહેલી પત્નીને આપ્યા છૂટાછેડા

શિલ્પા સાથે લગ્ન કરવા માટે રાજે તેની પહેલી પત્ની કવિતા સાથેના બધા સંબંધો તોડી નાખ્યા અને છૂટાછેડા આપ્યા હતા. કવિતા અને રાજને એક પુત્રી પણ છે. જે તેની માતા સાથે લંડનમાં રહે છે. તાજેતરમાં જ કવિતાએ મીડિયામાં એક નિવેદન પણ આપ્યું હતું. જેમાં તેણે શિલ્પા શેટ્ટીને તેના લગ્ન તોડવા માટે દોષી ઠેરાવી હતી. શિલ્પા પર આરોપ લગાવતા કવિતાએ કહ્યું હતું કે શિલ્પાની નજીક ગયા પછી રાજે તેના પર છૂટાછેડા માટે દબાણ લાવવાનું શરૂ કર્યું હતું. કવિતાએ શિલ્પાને ઘર તોડનાર પણ કહ્યું હતું.

જોકે, રાજ કુંદ્રાએ પણ કવિતાના આ નિવેદન પર પ્રતિક્રિયા આપી હતી અને કવિતાના પાત્ર પર સવાલો ઉભા કર્યા હતા. રાજે એક ઇન્ટરવ્યુમાં કહ્યું હતું કે શિલ્પા શેટ્ટીને કારણે તેણે કવિતાને છૂટાછેડા આપ્યા નથી. કવિતાનું તેના જીજા સાથે અફેર હતું. જેના કારણે તે કવિતાથી અલગ થઈ ગયો અને કવિતાને છૂટાછેડા આપ્યા હતા.

કવિતા અને રાજનાં લગ્ન 2003 માં થયાં હતાં

રાજ કુન્દ્રા અને કવિતાએ વર્ષ 2003 માં લગ્ન કર્યાં હતાં. લગ્ન પહેલા આ બંનેના લાંબા સમય સુધી ડેટિંગ કરી હતી. કવિતા લંડનના વેપારી પરિવારની છે. જો કે, કવિતા અને રાજના લગ્ન લાંબા સમય સુધી ટકી શક્યા ન હતા અને 3 વર્ષ પછી બંને અલગ થઈ ગયા હતા. ડિસેમ્બર 2006 માં બંનેના છૂટાછેડા થયા હતા.

છૂટાછેડા ના ત્રણ વર્ષ બાદ રાજે 2009 માં શિલ્પા શેટ્ટી સાથે લગ્ન કર્યા. રાજ અને શિલ્પાના લગ્ન મુંબઈથી 100 કિલોમીટર દૂર ખંડાલામાં થયા હતા. આ જગ્યાએ શિલ્પા શેટ્ટીના ખાસ મિત્રનું ફાર્મ હાઉસ હતું. જ્યાં તેણે લગ્ન કર્યાં. આ લગ્ન પરંપરાગત ધાર્મિક વિધિઓ અને ખૂબ ધૂમધામથી થયા હતા.