એક હર્યાભર્યા પરિવારમાં એવું બન્યું કે સાળીએ તેના જીજાજી સાથે લગ્ન કરવાનો નિર્ણય લીધો? કારણ જાણીને ભાવુક થઈ જશો તમે..

ગુજરાતી લોકો તેના ખમીર અને સંસ્કારના કારણે બીજા લોકોથી અલગ જ તરી આવે છે. આપણે ત્યાં મોટા ભાગના ગુજરાતી પરિવારોમાં એકબીજાના સુખ અને દુ:ખમાં સાથ આપવાની ભાવના જોવા મળે છે. આવો જ એક સુંદર કિસ્સો આજથી અંદાજે સાડા ત્રણ વર્ષ પહેલા બન્યો હતો. જેમાં પરિણીત મોટી બહેનનું અગમ્ય કારણોસર મોત થતાં નાની બહેને જીજાજી સાથે લગ્ન કરી તેના પુત્રની જવાબદારી ઉપાડી લીધી હતી.

રાજકોટ જિલ્લાના નવાગઢ ગામના રહેવાસી ચંદુભાઇ સાવલિયાની પુત્રી કોમલે પોતાના જીજાજી સાથે લગ્ન કર્યા હતા. તેનું કારણ એટલું હતું કે કોમલની મોટી બહેનનું અકસ્માત દરમિયાન નિધન થતા તેના પુત્રની જવાબદારી સંભાળવા માસી મટી કોમલની મા બની હતી. તેના લગ્નને અંદાજે સાડા ત્રણ વર્ષ પૂરા થવા જઇ રહ્યા છે. આજે પણ તેનું લગ્નજીવન સફળ છે.

નવાગઢ ગામમાં રહેતા ચંદુભાઇ સાવલીયાના ચાર સંતાનો પૈકી ખૂબ જ લાડકવાયી નાની દીકરી કોમલ છે. તેણે પોતાની બહેનના નિધન બાદ તેના પુત્રના લાલનપાલન માટે માસી મટી ને મા બનવાનું ખૂબ જ સારો નિર્ણય લીધો હતો. તેણે તેના જીજાજી સાથે લગ્ન કરી એક હાથ વગરના પુત્રને અપનાવી સમાજમાં પ્રેરણાદાયી પગલું ભર્યું છે.

ચંદુભાઇ સાવલીયાની દીકરી કોમલના આ નિર્ણયથી પરિવારજનો ખુબ જ ખુશ છે. તેમના લગ્ન આર્ય સમાજ વિધિથી સાદાઇથી થયા હતા. કોમલ જામનગર રહેતા તેના જીજાજી ભાવેશ સાથે સાદાઇથી લગ્ન કરી હાથ વગરના ભાણીયાને અપનાવ્યો છે. આ પ્રસંગમાં નજીકના કુટુંબના સભ્યો હાજર રહ્યા હતા.

મળતી માહિતી અનુસાર, લગ્નના ત્રણ વર્ષ પહેલા જ કોમલના પિતાનું અવસાન થયું હતું. ભગવાન હજુ પણ મોટી પરીક્ષા લેવા માંગતા હોય એમ એના જીવનમાં તાજેતરમાં જ બીજી એક દુર્ઘટના બની હતી. એક દિવસ કોમલની મોટી બહેન પિનલબેન તેના દીકરા સ્મિત અને મામા હિતેશભાઇ સાથે નવાગઢ મામાના ઘરે આવી રહ્યા હતા.

આ દરમિયાન નવાગઢ પાસે જ અકસ્માત થયો અને આ અકસ્માતમાં પિનલબેનનું અવસાન થયું હતું. સ્મિત મા વગરનો થઇ ગયો અને આ અકસ્માતમાં સ્મિતનો જમણો હાથ પણ કપાઇ ગયો હતો.

બંને પરિવારો પર જાણે કે વજ્રઘાત થયો હતો. હવે શું કરવું એની કોઇને પણ કંઇ ખબર પડતી નહોતી. સ્મિતને તેના પિતા ભાવેશભાઇ ખૂબ જ પ્રેમ કરતા હતા. પરંતુ હવે માતાનો પ્રેમ ક્યાંથી લાવવો એ સવાલ હતો.

ભાવેશભાઇની ઉંમર જોતા તેના બીજા લગ્ન થાય તો કદાચ શક્ય છે કે નવી મા બાળકની યોગ્ય કાળજી લે પણ અને ન પણ લે. એમાં પણ સ્મિતનો તો એક હાથ પણ નથી. આથી એને વધુ હૂંફ અને પ્રેમની જરૂર હતી. જો નવી મા સ્મિતને ન સમજી શકે તો એનું જીવન રોળાઇ જાય. કોઇને કંઇ સૂઝતું નહોતું કે હવે શું કરવું જોઇએ.

બે-બે પરિવાર પર આવી પડેલા આ સંકટ વચ્ચે ખૂબ જ લાડકવાયી સૌથી નાની દીકરી કોમલે તેના સંસ્કાર દેખાડ્યા હતા. તેણે પોતાની બહેનના નિધન બાદ તેના પુત્રના લાલનપાલન માટે માસી મટી મા બનવાનો નિર્ણય લીધો હતો. કોમલ જામનગર રહેતા તેના જીજાજી ભાવેશ સાથે સાદાઇથી લગ્ન કરી હાથ વગરના ભાણીયાને અપનાવ્યો હતો.

આ પ્રસંગમાં નજીકના કુટુંબના સભ્યો જ હાજર રહ્યા હતા. આમ નાની દીકરી કોમલે તેના જીજાજી સાથે લગ્ન કરી એક હાથ વગરના પુત્રને અપનાવી સમાજમાં પ્રેરણાદાયી પગલું ભર્યું છે.