એક સમયે એક ગીત માટે મળતા 500 રૂપિયા, આજે મીકા સિંહ છે ખાનગી જેટ, ફાર્મ અને લક્ઝરી વાહનોના માલિક
એક સમયે કામ માટે સ્ટુડિયોમાં જઈને ડિરેક્ટરોને તેમના ગીતો સંભળાવીને તેમની પાસેથી રિજેકશન નો સામનો કરનાર પ્રખ્યાત ગાયક મિકા સિંઘ આજે ફિલ્મ ઉદ્યોગના એક ખર્ચાળ અને સફળ ગાયક છે. મિકા સિંહે પંજાબી સિનેમાની સાથે હિન્દી સિનેમામાં પણ ખાસ ઓળખ બનાવી છે. તેમણે આજ સુધી ઘણાં હિટ ગીતો આપ્યા છે. તે ચાહકોમાં ભારે લોકપ્રિય છે.
તમને જણાવી દઈએ કે મિકા સિંહ પ્રખ્યાત સિંગર દલેર મહેંદીના નાના ભાઈ છે. પશ્ચિમ બંગાળના દુર્ગાપુરમાં જન્મેલા મીકાસિંહનું અસલી નામ અમરીક સિંઘ છે અને માતાપિતાનાં નામ બલબીર કૌર અને અજમેર સિંઘ છે. મીકા ફિલ્મ ઇન્ડસ્ટ્રીના 10 સૌથી મોંઘા ગાયકોમાંના એક છે. તેણે અત્યાર સુધી પોતાના અવાજથી લાખો લોકોને દિવાના બનાવ્યા છે.
મિકા સિંઘ લાંબા સમયથી સંગીતની દુનિયા સાથે સંકળાયેલા છે. તેમણે ગિટારવાદક અને સંગીતકાર તરીકે પણ કામ કર્યું છે. તેણે પોતાનું બડે બા મિકા સિંહનું સુપરહિટ ગીત ‘દર દી રબ રબ કર દી’ કમ્પોઝ કર્યું છે. તમને જણાવી દઈએ કે એક સમયે મીકાને ગીત ગાવા માટે ફક્ત 500 રૂપિયા મળતા હતા. જ્યારે આજે તે કરોડો રૂપિયાની સંપત્તિનો માલિક છે. ગાવાની સાથે સાથે તે સ્ટેજ કાર્યક્રમોથી પણ ઘણું કમાય છે.
મીકા સિંહ ફિલ્મ ઇન્ડસ્ટ્રીનો ખૂબ જ સમૃદ્ધ ગાયક છે. પાર્ટી અથવા લગ્ન કાર્યક્રમમાં સ્ટેજ પ્રોગ્રામ માટે તેઓ 20 થી 50 લાખ રૂપિયા લે છે. બોલિવૂડમાં એવા ઘણા ઓછા કલાકારો છે. જેઓ પોતાના ખાનગી જેટમાં મુસાફરી કરે છે અને તેમાં મીકા સિંહનું નામ શામેલ છે.
એવું કહેવામાં આવે છે કે કદાચ મીકા સિંહ પાસે જ બોલીવુડના ગાયકોમાં ખાનગી જેટ છે. મીકા પાસે નવીનતમ શ્રેણીની ઘણા લક્ઝરી ગાડીઓ છે. અહેવાલો અનુસાર, મિકા 450 કરોડ રૂપિયાની કુલ સંપત્તિનો માલિક છે. તેમની પાસે એક મોટું ફાર્મ હાઉસ પણ છે. જેની કિંમત કરોડો રૂપિયા હોવાનું પણ કહેવામાં આવે છે.
ઘણા વિવાદોમાં સામેલ થયા
મિકા સિંહ તેના ગીતો સાથે સાથે વિવાદોને કારણે પણ હેડલાઇન્સમાં રહે છે. સમસ્યાઓ સાથે તેમનો જૂનો સંબંધ છે. ફિલ્મ ઈન્ડસ્ટ્રીમાં હિટ બનતા પહેલા તે વર્ષ 2006 માં બોલિવૂડની ડ્રામા ક્વીન રાખી સાવંતને બળજબરીપૂર્વક ચુંબન કરવા માટે હેડલાઇન્સમાં હતો.
મિકાએ તેની બર્થડે પાર્ટી રાખી હતી અને આ દરમિયાન તેણે રાખીને જબરદસ્તી કિસ કરી હતી. રાખીએ મિકાને પાઠ ભણાવવા માટે કોર્ટનો સંપર્ક પણ કર્યો હતો.
થોડા વર્ષો પહેલા મિકા સિંહે જ્યારે પાડોશી દેશ પાકિસ્તાનમાં પરફોર્મ કર્યું ત્યારે તે પણ વિવાદોનો એક ભાગ હતો. આ અંગે દેશમાં ખુબ જ વિરોધ પ્રદર્શિત થયો હતો. વધતા જતા વિવાદને જોતા મીકાએ એફડબ્લ્યુઆઈસીની માફી માંગી લીધી હતી.
ત્યાર બાદ આ મામલો ઉકેલી લેવામાં આવ્યો હતો. મિકા સિંહે તેના એક જીવંત શો દરમિયાન એક ડોક્ટરને થપ્પડ પણ મારી હતી. એવું કહેવામાં આવ્યું હતું કે તે મહિલા ક્રાઊડ વચ્ચે જઈને નૃત્ય કરવાની મજા લઇ રહ્યો હતો અને આનાથી મીકાસિંહ ખૂબ ગુસ્સે થયા હતા.અને તેણે તે વ્યક્તિને થપ્પડ મારી દીધી હતી.
