મોંઘવારીના સમયમાં ફક્ત 500 રૂપિયા ખર્ચ કરી સેના મેજર અને સિટી મેજિસ્ટ્રેટે કર્યા લગ્ન, લોકોને આપ્યો સંદેશ..
મોંઘવારીના સમયમાં કોઇ પણ તેમના લગ્નને સ્પેશિયલ બનાવવા માટે લાખો કરોડો રૂપિયાનો ખર્ચ કરતા હોય છે. માત્ર ચમક ધમક અને શો-ઓફ કરવામાં પૈસાને પાણીની જેમ વહાવી દેતા હોય છે. આ વચ્ચે એક એવો કિસ્સો સામે આવ્યો છે, જે ખરેખર એક મિસાલ બન્યો છે.
એક સેના મેજર અને સિટી મેજિસ્ટ્રેટે ફક્ત 500 રૂપિયા ખર્ચ કરી લગ્ન કર્યા અને તેઓ પતિ-પત્ની બની ગયા. ના કોઇ બેંડ-બાજા કે ના કોઇ જાનૈયા જે પૈસા ખર્ચ કરવામાં આવ્યા તે ફૂલ-માળા અને મિઠાઇ પર જ કરવામાં આવ્યો છે.
ભોપાલની રહેવાસી શિવાંગી જોશીએ પોતાના જ શહેરના રહેવાસી મેજર અનિકેત ચતુર્વેદી સાથે કોર્ટ મેરેજ કર્યા. સાદગીને કારણે તેમને બધા સલામ કરી રહ્યા છે. બંને પરિવારવાળાની અનુમતિ પછી સમાજને એક સંદેશ આપવા માટે જિલ્લા કોર્ટમાં બંનેએ લગ્ન કર્યા હતા. જે બાદ જજ સામે લગ્નનું રજિસ્ટ્રેશન કરાવ્યુ.
અનિકેત વર્તમાનમાં લદ્દાખમાં તૈનાત છે. જયારે શિવાંગ ધારમાં સિટી મેજિસ્ટ્રેટના પદ પર સેવા આપી રહી છે. બે વર્ષ પહેલા બંનેનો સંબંધ નક્કી થયો હતો, પરંતુ કોરોના લીધે તેમના લગ્ન સતત પાછળ જતા હતા. શિવાંંગીએ જણાવ્યુ કે, વધતી મોંધવારી વચ્ચે સમાજને સંદેશ આપવા માંગતા હતા.
લગ્નમાં કરોડો ખર્ચ કરો તો પણ તે ઓછા છે અને મંદિર-કોર્ટમાં લગ્ન કરી લો ત્યારે પણ વાત એ જ છે. મારી લોકોને અપીલ છે કે, જો તમારી પાસે પૈસા વધારે છે તો બીજા લોકોને મદદ કરો. લગ્નમાં ખોટો ખર્ચ કરવાથી કોઇ મતલબ નથી. સાથે જ પરિવારની હાજરીમાં જ લગ્ન કરો.
