લાખો કરોડોના હીરા મળે છે આ ખેતરમાં, લોકો શોધવા માટે આવે છે કામ-ધંધો છોડીને..

બધા રત્નોમાં હીરાને સૌથી વધુ કિંમતી માનવામાં આવે છે. તેની કિંમત લાખથી કરોડ સુધી જઈ શકે છે. જો કોઈ પણ ગરીબ વ્યક્તિ ને મળી જાય તો તે રાતોરાત કરોડપતિ પણ બની શકે છે. આવું જ કંઇક આંધ્રપ્રદેશના કુર્નૂલ જિલ્લાના ચિન્ના જોનાગિરી ક્ષેત્રના ખેડૂત સાથે થયું છે. ખેડૂતનો દાવો છે કે તેને ખેતરમાં 30 કેરેટનો હીરો પણ મળ્યો છે. તેને એક સ્થાનિક હીરા ઉદ્યોગપતિને 1.2 કરોડ રૂપિયામાં વેચી દીધો.

આ મામલો હાલ સોશિયલ મીડિયા પર ખૂબ જ વાયરલ થઈ રહ્યો છે. આ અંગે આ વિસ્તારના એસપીએ જણાવ્યું હતું કે અમે આ માહિતીની તપાસ કરી રહ્યા છીએ. તેમણે એમ પણ કહ્યું કે આ વિસ્તારમાં આ પ્રકારની પહેલા પણ ઘટના બની છે. ભૂતકાળમાં આ વિસ્તારમાં આવા ઘણા અહેવાલો આવ્યા છે. જેમાં લોકોને હીરા અથવા કોઈ કિંમતી પથ્થર મળી આવ્યો હોય.

આવા સમાચારોની અસર એ છે કે દર વર્ષે જૂનથી નવેમ્બરની વચ્ચે ઘણા લોકો અહીં હીરા શોધવા માટે આવે છે. આ લોકો આ સમયગાળા દરમિયાન પોતાનો કામ ધંધો છોડી ને આવે છે અને દિવસ-રાત ફક્ત હીરા અને કિંમતી પત્થરોની શોધમાં જ વ્યસ્ત રહે છે. તેમાંથી કેટલાક તો નજીકના ગામોમાં તંબુઓ લગાવીને રહે છે.

એક પોલીસ અધિકારીના જણાવ્યા મુજબ, વરસાદના દિવસોમાં ઘણીવાર કિંમતી પથ્થરો મળી આવવાના સમાચાર મળી રહ્યા છે. હકીકતમાં, જ્યારે વરસાદને લીધે માટી વહે છે. તો પછી આવા કિંમતી પત્થરો મેળવવાની સંભાવના પણ વધી જાય છે. જોનાગિરી, તુગ્ગલી, મડિકેરા, પેગીદિરાઇ, પેરાવલી, મહાનંદી અને મહાદેવપુરમ એવા કેટલાક ગામો છે. જ્યાં લોકો વરસાદ પછી હીરાની શોધમાં લાગી જાય છે.

કુર્ણૂલ જિલ્લામાં લગભગ દર વર્ષે કોઈને તો હીરા મળવાના સમાચાર આવે છે. 2019 માં જ એક ખેડૂતે દાવો કર્યો હતો કે તેને 60 લાખ રૂપિયાનો હીરા મળ્યો છે. તે જ સમયે 2020 માં બે ગામમાં બે થી પાંચ લાખના કિંમતી પત્થરો મળી આવ્યા હતા. તેણે આ સ્થાનિક વેપારીઓને 1.5 લાખ રૂપિયા અને 50,000 રૂપિયામાં વેચ્યા.

હીરા મળવાની માહિતી સાંભળીને નજીકના ઘણા જિલ્લાના લોકો અહીં આવે છે અને તંબૂ મૂકીને હીરાની શોધમાં જોડાય છે. માત્ર સ્થાનિક લોકો જ નહીં પરંતુ સરકારી અને ખાનગી કંપનીઓએ પણ અહીં હીરા શોધ અભિયાન શરૂ કર્યું છે. અહીં હીરા મળવા અંગે ત્રણ કહાનીઓ પ્રખ્યાત છે.

પ્રથમ કહાની અનુસાર, સમ્રાટ અશોકના શાસનકાળથી હીરા અહીંની જમીનમાં દફનાવવામાં આવ્યા છે. કુર્નૂલ નજીક જોનાગિરી મૌર્યની દક્ષિણ રાજધાની સુવર્ણગિરી તરીકે જાણીતી હતી. બીજી કહાનીમાં દાવો કરવામાં આવ્યો છે કે વિજયનગર સામ્રાજ્યના શ્રી કૃષ્ણદેવરાય (1336-1446) અને તેમના પ્રધાન, તિમારસુએ હીરા અને સોનાના આભૂષણનો મોટો ખજાનો આ વિસ્તારમાં દફનાવ્યો હતો.

ત્રીજી કહાની અનુસાર દાવો કરવામાં આવે છે કે આ હીરા ગોલકોન્ડા સલ્તનત (1518-1687) ના સમયે જમીનમાં છુપાવામાં આવ્યા હતા. તે કુતુબ શાહી રાજવંશ તરીકે પણ ઓળખાય છે. આ રાજવંશ હીરા માટે પ્રખ્યાત હતો. તેને ગોલકોન્ડા હીરા કહેવાતો હતો.