ખુબજ સરળતાથી જાણો તમારા આધાર કાર્ડથી કેટલા લોકોએ સિમ કાર્ડ લીધા છે, જાણો એક ક્લિક પર..

આપણે બધા લોકો સારી રીતે જાણીએ છીએ કે આધાર કાર્ડ આજના સમયમાં સૌથી વધારે મહત્વપુર્ણ દસ્તાવેજ બની ગયેલ છે. આધાર કાર્ડ વ્યક્તિની ઓળખાણ છે, આધાર કાર્ડ દ્વારા વ્યક્તિ સાથે જોડાયેલી ઘણી જાણકારી મેળવી શકાય છે. જ્યારે આધારકાર્ડ બનાવવા માટે વ્યક્તિ જાય છે તો તે સમય દરમિયાન વ્યક્તિની ફિંગર પ્રિન્ટ, આંખની પ્રિન્ટ લેવામાં આવે છે અને તેની એક પ્રોફાઇલ બનાવવામાં આવે છે. જેમાં વ્યક્તિની જન્મ તિથિ, માતા-પિતાનું નામ, એડ્રેસ, વ્યવસાય આ બધી જાણકારીઓ પ્રોફાઇલમાં રહે છે અને આ પ્રોફાઇલને મોબાઈલ નંબરથી જોડવામાં આવે છે.

આજના સમયમાં દરેક વ્યક્તિ માટે આધારકાર્ડ ઘણું ઉપયોગી છે. કારણ કે જો કોઈ પણ વ્યક્તિ ક્યાંય પણ જાય છે તો તે આધાર કાર્ડનાં માધ્યમથી પોતાની ઓળખાણ સરળતાથી જણાવી શકે છે. આધાર કાર્ડનો ઉપયોગ ફોર્મ ભરવા સિવાય ઘણા સ્થળ પર કરવામાં આવે છે. તમે એવું સમજી શકો છો કે આધાર કાર્ડ એક એવો જરૂરી ડોક્યુમેન્ટ છે, જેના વગર આજે આપણું કોઈ કામ નથી થઈ શકતું.

તમને જણાવી દઈએ કે એક આધાર કાર્ડથી 18 ફોન કનેક્શન લઈ શકાય છે. પહેલા એક આધાર કાર્ડથી તમે માત્ર 9 સીમકાર્ડ ખરીદી શકતા હતા, પરંતુ હવે તમે 18 સીમકાર્ડ ખરીદી શકો છો. ટેલિકોમ રેગ્યુલેટરી ઓથોરિટી ઓફ ઈન્ડિયા તરફથી કરવામાં આવેલા બદલાવ પછી તમે 18 નંબર ખરીદી શકો છો. ટ્રાય એ જણાવ્યું છે કે ઘણા લોકોને બિઝનેસ માટે વધારે સીમની જરૂર પડે છે. જેના કારણે સીમની લિમિટ વધારવામાં આવી છે. આધાર કાર્ડથી કેટલા નંબર લીંક છે, તે જાણવા માટે તમારો મોબાઈલ નંબર આધાર કાર્ડ સાથે લિંક હોવો જરૂરી છે.

આજે અમે તમને આ લેખના માધ્યમથી તમારા આધાર નંબરથી અન્ય વ્યક્તિએ તો ફોન કનેક્શન નથી લીધું ને? તેના વિશેની સંપૂર્ણ માહિતી આપવાના છીએ. તમે ઘરે બેઠા બેઠા સરળતાથી જાણી શકો છો.

આ રીતે સરળ રીત જાણો કે તમારા આધાર સાથે કેટલા નંબર લીંક છે

1. આધર કાર્ડ સાથે જોડાયેલ સિમકાર્ડ વિશે જાણવા માટે તમારે સૌથી પહેલાં તો ઈન્ટરનેટ કનેક્શનની જરૂરિયાત હશે. તમે UIDAI નાં ઓફિશિયલ વેબસાઇટ પર જાવ.
2. ત્યારબાદ તમે હોમપેજ પર GET AADHAR CARD પર ક્લિક કરો.
3. ત્યારબાદ તમારે DOWNLOAD AADHAR પર ક્લિક કરવું પડશે.
4. તમને અહીં VIEW MORE ઓપ્શન દેખાય છે તેના પર ક્લિક કરો.
5. ત્યારબાદ તમે AADHAR ONLINE SERVICE પર જાઓ અને ત્યાં AADHAR AUTHENTICATION HISTORY પર જાવ.
6. ત્યારબાદ તમે WHERE CAN I A RESIDENT CHECH / AADHAR AUTHENTICATION HISTORY પર આપેલા લિંક પર ક્લિક કરો.
7. હવે તમારી સામે એક નવું પેજ ઓપન થશે અહીં આધાર નંબર એન્ટર કરો અને કેપ્ચા એન્ટર કરીને સેન્ડ OTP પર ક્લિક કરો.
8. હવે અહીં Authentication Type પર Allને સિલેક્ટ કરો.
9. હવે તમારે કેટલા રેકોર્ડ જોવા છે તે એન્ટર કરો. હવે અહીં OTP એન્ટર કરીને વેરિફાઈ OTP પર ક્લિક કરો.
10. તમારી સામે નવું ઈન્ટરફેસ ઓપન થશે. અહીંથી તમે તમારી ડિટેઈલ્સ મેળવી શકો છો.

કેવી રીતે આધારકાર્ડની સાથે તમારો મોબાઈલ નંબર લિંક કરાવો

તમારે મોબાઈલ નંબર અને ઈમેલ IDને જો તમે આધાર સાથે લિંક કરવા માગો છો તો તેના માટે તમારે આધાર સેન્ટર પર જવું પડશે. ઓનલાઈન તમે લિંક નહીં કરી શકો. તેને લિંક કરવા માટે કોઈ પણ પ્રકારના ડોક્યુમેન્ટ્સની જરૂર નહીં પડે. તેના માટે તમારે બાયમેટ્રિક ઓથેન્ટિકેશન ફરજિયાત કરાવવું પડશે.

આધાર-મોબાઈલને લિંક કરવાની પ્રોસેસ

1. તમારે તમારા ટેલિકોમ ઓપરેટરના આઉટલેટ પર આધાર કાર્ડની અટેસ્ટેડ કોપીની સાથે જવું પડશે.
2. ઓપરેટરને તમારો મોબાઈલ નંબરઆપવાનો રહશે.
3. તમારા રજિસ્ટર્ડ મોબાઈલ નંબર પર સ્ટોર એક્ઝિક્યુટિવ એક OTP મોકલશે, આ OTPને વેરિફિકેશન માટે તમારા એક્ઝિક્યુટિવને આપવો પડશે.
4. ત્યારપછી એક્ઝિક્યુટિવ તમારી ફિંગર પ્રિન્ટ લેશે, તમારા ટેલિકોમ ઓપરેટર તમને એક કન્ફર્મેશન SMS મોકલશે.
5. SMSનો જવાબ Y લખીને મોકલવો, આવું કરતાં જ તમારી e-KYC પ્રોસેસ પૂરી થઈ જશે.