ઘરે જ બનાવો ગરમા ગરમ જલેબી, ખાનારાઓ ખાતા જ રહી જશે

ગરમા ગરમ જલેબી મોટા ભાગના લોકો ને પસંદ હોઈ છે. મેંદા, ખમીર અને ખાંડ થી કોઈ પણ જલેબી બનાવી શકે છે. જો તેમે શીખવા માંગો છો. તો આ રહી તમારી જલેબી બનાવવાની સરળ રીત

સામગ્રી

• 2 કપ નો મેંદો લોટ
• 1/2 મોટો ચમચો ઈસ્ટ
• 2 કપ પાણી
• તળવા માટે ઘી
• ખાંડની ચાસણી
• 4 કપ ખાંડ
• 1 મોટો ચમચો દૂધ
• 8-10 કેસર ના તાંતણા

બનાવવાની રીત

1. સૌથી પહેલા યીસ્ટમાં અડધો કપ નવશેકુ પાણી નાંખી ફુલાવવા માટે છોડી દો.
2. ત્યાર પછી મોટા વાસણ માં મેંદાનો લોટ લો.
3. યીસ્ટ ને સરખી રીતે પાણીમાં ભેળવી દો.
4. મેંદામાં યીસ્ટનું પાણી નાંખી અને તેમાં થોડું થોડું પાણી નાખી ઘોળ તૈયાર કરો.
5. આ ઘોળ એવું તૈયાર કરો કે વધારે પાતળું કે વધારે જાડું ન હોય.
6. આ ઘોળને 5-6 કલાક ઢાંકીને એક બાજુ મૂકી દો.
7. એટલી વારમાં તમારું જલેબી બનાવવા માટેનું ખીરૂ તૈયાર છે.
8. જલેબી તળો એ પહેલાં ચાસણી બનાવી ને તૈયાર કરો.
9. એક પેનમાં પાણી અને ખાંડ નાખીને ધીમી આંચ પર ઉકાળો.
10. તેને વચ્ચે વચ્ચે હલાવતા રહો અને જ્યારે તેમાં ઉભરો આવે ત્યારે તેમાં દૂધ નાંખી દો.
11. દૂધ નાંખવાથી ચાસણીની ગંદગી ઉપર તરવા લાગશે તેને ચમચી વડે બહાર કાઢી લો.
12. જલેબી માટે એક તારની ચાસણીની જરૂર હોય છે.
13. ચાસણીમાં ઉભરો આવે તો એક ચમચીથી જોઈ લો. જો તેમાં પાતળા તાર દેખાય તો સમજી લેવું કે ચાસણી તૈયાર થઈ ગઈ છે. હવે તેમાં કેસર નાંખી ધીમી આંચ પર ઉકાળો.
14. ગેસની બીજી બાજુ એક પેનમાં ઘી નાંખી ધીમા તાપ પર ગરમ કરવાં મુકો. જ્યાં સુધી ઘી ગરમ થાય મેંદાની પેસ્ટને સારી રીતે ફીણી લો.
15. આ પેસ્ટને સોસની બોટલથી કે દૂધની થેલીને કાપીને જલેબી બનાવી સરખી રીતે તળી લો. જ્યારે ઘી માં જલેબી તળો ત્યારે બંને બાજુ ગોલ્ડન કલર ની થાય ત્યાં સુધી તળી લો.
16. ત્યાર પછી, આ જલેબી ને ચાસણીમાં ડૂબાડી દો. આ જ રીતે બધી જલેબીને તળી લો.
17. તમારી જલેબી  તૈયાર છે.