નતાશા અને હાર્દિક પંડ્યાએ દીકરાના બર્થડેની તસવીરો કરી શેયર, ચોકલેટ અને ફુગ્ગાની વચ્ચે જોવા મળ્યો અગસ્ત્ય

અભિનેત્રી નતાશા સ્ટેનકોવિક અને ટીમ ઈન્ડિયાના સ્ટાર ઓલરાઉન્ડર હાર્દિક પંડ્યાએ તેમના પ્રિય પુત્ર અગસ્ત્ય પંડ્યાનો પહેલો જન્મદિવસ ઉજવ્યો.

નતાશા અને હાર્દિકે આ ખાસ દિવસ ખૂબ જ અદભૂત રીતે ઉજવ્યો. હવે ઉજવણીની ઘણી તસવીરો સોશિયલ મીડિયા પર સામે આવી છે. અગસ્ત્ય પંડ્યાના પ્રથમ જન્મદિવસ પ્રસંગે, નતાશા સ્ટેનકોવિક અને હાર્દિક પંડ્યાએ તેમના પુત્ર માટે બોસ બેબી થીમ આધારિત પાર્ટી આપી હતી.

આ દરમિયાન, જન્મદિવસ સ્થળને વાદળી અને કાળા રંગના ગુબ્બારાથી શણગારવામાં આવ્યું હતું. મહેમાનો માટે બોસ બેબી કેક, મેકરૂન્સ, પેસ્ટ્રીઝ, ક્રીમ રંગના બ્રીફકેસ અને ડોલર સાઇન આકારના નાસ્તા મૂકવામાં આવ્યા હતા. આ દરમિયાન અગસ્ત્ય પંડ્યા બેબી બોસની થીમમાં દેખાયા.

આ સિવાય શેર કરેલી બાકીની બધી તસવીરો નતાશા અને હાર્દિકના દીકરા અગસ્ત્યની છે, જેમાં અગસ્ત્ય રમતા જોવા મળે છે, જ્યારે કેટલીક તસવીરોમાં તે બલૂન અને ચોકલેટ વચ્ચે કેમેરા સામે પોઝ આપતા જોવા મળે છે. લુકની વાત કરીએ તો નતાશા બ્લેબ્લેક કલરના પોલ્કા ડોટેડ ડ્રેસમાં જોવા મળી હતી. તે જ સમયે, તેનો પ્રિય પુત્ર અગસ્ત્ય કાળા પોશાકમાં ખૂબ જ સુંદર દેખાઈ રહ્યો છે.

હાર્દિક પંડ્યા, તેના પ્રથમ જન્મદિવસ પર તેના દીકરા અગસ્ત્ય સાથે નહોતો, પરંતુ ક્રિકેટરે સોશિયલ મીડિયા પર એક સુંદર વીડિયો શેર કરીને તેના પુત્રને જન્મદિવસની શુભેચ્છા પાઠવી હતી. આ વિડીયોમાં અગસ્ત્યના જન્મની ઝલક બતાવવામાં આવી છે.

આ વીડિયો સાથે હાર્દિકે કેપ્શનમાં લખ્યું હતું, ‘હું માની શકતો નથી કે તમે પહેલેથી જ એક વર્ષના છો. અગસ્ત્ય, તમે મારા દિલ અને મારી આત્મા છો. તમે મને બતાવ્યું છે કે જેટલું હું જાણું છું તેના કરતાં પ્રેમ શું હોય છે. મારા જીવનનો સૌથી મોટો આશીર્વાદ અને હું તમારા વિના એક પણ દિવસની કલ્પના કરી શકતો નથી. હું તને પ્રેમ કરું છું અને તને દિલથી ખુબ યાદ કરું છું.’

આ તસવીરો પરથી સ્પષ્ટ છે કે નતાશાએ પોતાના પ્રિય દીકરા અગસ્ત્યના પ્રથમ જન્મદિવસને ખાસ બનાવવા માટે કોઈ કસર છોડી નથી.

નતાશા અને હાર્દિક વિશે વાત કરીએ તો બંનેએ લાંબા સમય સુધી એકબીજાને ડેટ કર્યા બાદ 31 ડિસેમ્બર 2019 ના રોજ તેમના સંબંધોને જાહેર કર્યા. બીજા દિવસે એટલે કે 1 જાન્યુઆરી, 2020 ના રોજ બંનેએ સગાઈ કરી.

ભારતીય ઓલરાઉન્ડરે નતાશાને દુબઈમાં એક યાટ પર વીંટી પહેરીને પ્રપોઝ કર્યું હતું. નતાશાએ તેના ઇન્સ્ટાગ્રામ એકાઉન્ટ પર તેના વીડિયો શેર કર્યા હતા, જેમાં હાર્દિક તેના એક ઘૂંટણ પર બેઠો હતો અને તેની આંગળી પર વીંટી પહેરાવતો જોવા મળ્યો હતો.

ગયા વર્ષે આ દંપતીએ ઘરમાં ગુપ્ત રીતે લગ્ન કર્યા હતા, જે કોઈને ખબર નહોતી. એવું કહેવાય છે કે નતાશા લગ્ન પહેલા ગર્ભવતી બની હતી.

જેના કારણે આ કપલે ઉતાવળમાં લગ્ન કરી લીધા. લગ્નની તસવીરો સોશિયલ મીડિયા પર પોસ્ટ કરવામાં આવી હતી, જેને જોઈને ચાહકો આશ્ચર્યચકિત થઈ ગયા હતા. તમને જણાવી દઈએ કે હાર્દિક પંડ્યા 30 જુલાઈ 2020 ના રોજ પિતા બન્યા હતા.