અમદાવાદની માસૂમ બાળકીની ખુલી ગઈ કિસ્મત, 4 વર્ષ અનાથ-આશ્રમમાં રહ્યા બાદ મળ્યો માતા-પિતા નો પ્રેમ, હવે જશે અમેરિકા..
ચાર વર્ષ પહેલા કચરા પેટીમાં ત્યજી દેવાયેલી બાળકીનું ભાગ્ય બદલાઈ ગયું છે. બાળકીને હાલમાં એક અમેરિકન પરિવારે દત્તક લીધી છે. આ છોકરીનું નામ અર્પિતા છે. હકીકતમાં, છેલ્લા ચાર વર્ષથી અનાથ આશ્રમમાં રહેતા આ માસૂમ છોકરીનું નસીબ આજે બદલાઈ ગયું. તેને માતા -પિતા મળ્યા છે. બાળકોને ઓનલાઈન દત્તક લેવાની પ્રક્રિયામાં અમેરિકાના નાથન દંપતીને અમદાવાદની અર્પિતા ગમી હતી. નાથન દંપતીએ દત્તક લેવાની સત્તાવાર અને કાનૂની પ્રક્રિયા પૂર્ણ કરી અને અર્પિતાને આખરે પરિવાર મળી ગયો.
હવે અર્પિતાને પરિવારનો પ્રેમ અને સ્નેહ મળશે. પુત્રી અર્પિતાને દત્તક લીધા પછી નાથન થોમ્પસને કહ્યું,’‘તે ખુશ છે કે તેણે એક પુત્રીને દત્તક લીધી છે અને હવે અર્પિતાને સારા શિક્ષણ સાથે ઉછેરવાની સંપૂર્ણ જવાબદારી અમારી છે.’
4 વર્ષ પહેલા અર્પિતાને તેના પરિવારના સભ્યોએ કચરા પેટીમાં લાવારિસ છોડી દીધી હતી. અર્પિતાની તબિયત અત્યંત નાજુક હતી. અર્પિતાને સ્થાનિક પ્રશાસન દ્વારા તેમને તરત જ હોસ્પિટલમાં દાખલ કરવામાં આવી હતી. અર્પિતાને જન્મ આપ્યા બાદ તેનો પરિવાર તેને છોડી ગયો હતો પરંતુ ભગવાન અર્પિતા સાથે હતા.
ધીરે ધીરે અર્પિતા મૃત્યુ સામેની લડાઈ જીતી અને પ્રશાસનની મદદથી અમદાવાદના બાળ-શિસુગૃહમાં ઉછેર માટે રાખવામાં આવી હતી. અર્પિતા ધીરે ધીરે 4 વર્ષની થઈ ગઈ. આ પછી તેને એક અમેરિકન પરિવારે દત્તક લીધી છે. વહીવટીતંત્રએ અર્પિતાના નવા પરિવારના મુખિયાને નાથન થોમ્પસનને સોંપી છે. હવે તેનું નામ જોય થઈ ગયુ છે.
અમદાવાદ જિલ્લા કલેક્ટર સંદીપ સાગલેએ જણાવ્યું હતું કે, ‘હું અમેરિકન દંપતીને પુત્રી દત્તક લેવા બદલ અભિનંદન પાઠવું છું અને મને ખાતરી છે કે અર્પિતાનું ભવિષ્ય હવે વધુ સુરક્ષિત રહેશે. હવે અર્પિતાને પરિવારનો પ્રેમ અને હૂંફ મળશે.’
