પોતાના પરિવારની વિરુદ્ધ જઈને સાંસદની બહેન જિમ ટ્રેનર સાથે ભાગી કરી લીધા લગ્ન, છોકરીએ વીડિયોમાં જણાવી આ વાત..
પ્રેમ એક એવી વસ્તુ છે જે તમને કોઈ પણ હદ સુધી જવા માટે મજબૂર કરે છે. પ્રેમના ચક્કરમાં લોકો તેમના પરિવારના સભ્યો સાથે બળવો કરવા પર ઉતરી આવે છે. તેઓ તેમની સંમતિ વિના ઘરેથી ભાગીને લગ્ન પણ કરે છે. હવે આ સ્થિતિમાં કેટલાક માતા-પિતા છોકરીને માફ કરી દેતા હોય છે.
કેટલાક સંબંધને કાયમ માટે સમાપ્ત કરી દે છે અને કેટલાક છોકરીને પાઠ ભણાવવાના હેતુથી છોકરીને ખૂબ પરેશાન પણ કરે છે. આ દિવસોમાં રાજસ્થાનના હનુમાનગઢની રહેવાસી કનિકા સોની આવી મુશ્કેલ પરિસ્થિતિઓ સામે લડી રહી છે.
કનિકા સોનીને થોડા દિવસ પહેલા તેના ઘરની નજીક રહેતા જિમ ટ્રેનર સાથે પ્રેમ થઈ ગયો હતો. આવી પરિસ્થિતિમાં બંને એકબીજા સાથે લગ્ન કરવા માંગતા હતા. જોકે, બંનેની જ્ઞાતિ જુદી જુદી હોવાના લીધે પરિવારના સભ્યો આ લગ્ન માટે તૈયાર નહોતા. આવી સ્થિતિમાં 14 સપ્ટેમ્બરના રોજ પ્રેમી જોડાએ ઘરેથી ભાગીને પહેલા કોર્ટ મેરેજ કર્યાઅને પછી મંદિરમાં લગ્ન કર્યા.
તેઓએ વિચાર્યું કે લગ્ન પછી બધું સારું થઈ જશે. પણ એવું કઈ જ થયું નહિ. કનિકાનો આરોપ છે કે તેના પરિવારના સભ્યો તેને પરેશાન કરી રહ્યા છે. કનિકા હાલમાં તેના પતિ લકી સાથે બિહારના હાજીપુરમાં રહે છે. તેના લગ્નથી નાખુશ પરિવારના સભ્યોએ લકી સામે અપહરણનો કેસ નોંધ્યો છે.
કનિકાના જણાવ્યા મુજબ, તેનો ભાઈ ગંગાનગરથી ભાજપના સાંસદ નિહાલચંદ મેઘવાલ છે. તો, તેના પિતાની રાજકીય પહોંચ પણ ખૂબ જ મજબૂત છે. આવી સ્થિતિમાં તેઓ પોલીસ મારફતે અમને પરેશાન કરી રહ્યા છે. પોલીસ અને પરિવારના સભ્યોથી ડરીને કનિકા તેના પતિ સાથે રાજસ્થાનથી બિહાર ભાગી ગઈ હતી. અહીં બંનેએ પોલીસ સમક્ષ આત્મસમર્પણ પણ કર્યું છે.
આત્મસમર્પણ કરતા પહેલા કનિકાએ પરિવારના સભ્યો માટે એક વીડિયો પણ બનાવ્યો હતો. કનિકાએ આ વીડિયો સોશિયલ મીડિયા પર પણ અપલોડ કર્યો છે. આ વિડીયોમાં તે તેના પિતાને સમજાવી રહી છે કે તમે કૃપા કરીને અમને પરેશાન ન કરો. હું લકીને પ્રેમ કરું છું અને તેને હું છોડી શકતી નથી. કનિકાએ તેના પિતા પર એવો પણ આરોપ લગાવ્યો છે કે તેઓ તેમના ઘરે તેને ખૂબ ટોર્ચર અને પરેશાન કરતા હતા.
આ ઉપરાંત, દંપતીએ સોશિયલ મીડિયા પર તેમના લગ્નની કેટલીક તસવીરો અને દસ્તાવેજો પણ શેર કર્યા છે. છોકરો અને છોકરી બંને પુખ્તવયના છે. તેઓએ કોઈ પણ દબાણ વગર પોતાની મરજીથી આ લગ્ન કર્યા છે. આવી સ્થિતિમાં, જ્યારે તેણે રાજસ્થાન પોલીસ સમક્ષ આત્મસમર્પણ કર્યું હતું, ત્યારે તેણે ચકાસણીની કાર્યવાહી કર્યા પછી તેને પાછા છોડી દીધા.
હવે પોલીસ જતી રહી છે પણ દંપતીને ખુબ ડર છે કે આ કેસ સાથે ભાજપના સાંસદ નિહાલચંદ મેઘવાલનું નામ સંકળાયેલ હોવાને લીધે આ હાઈપ્રોફાઈલ કેસ બની ગયો છે. આવી સ્થિતિમાં પોલીસ તેમને વધુ પરેશાન કરી શકે છે.
હાલમાં, કનિકાએ તેના પિતાને આપેલો સંદેશનો વીડિયો સોશિયલ મીડિયા પર ખુબ જ વાયરલ થઈ રહ્યો છે. લોકો આ અંગે જુદી જુદી રીતે કમેન્ટ્સ પણ કરી રહ્યા છે. લોકો કહે છે કે દરેકને પોતાની ઈચ્છા મુજબ પ્રેમ અને લગ્ન કરવાનો અધિકાર હોવો જોઈએ.
