ભારત ની રાજકુમારી જે હીરા અને રત્નો થી સજ્જ સેન્ડલ પહેરતી હતી, તેણે 20મી સદીમાં કર્યા હતા પ્રેમ લગ્ન..

ભારતમાં બ્રિટિશ કાળ પહેલા પણ રજવાડાઓની રિયાસત હતી. તે સમયગાળા દરમિયાન ભારતમાં આવા ઘણા રાજાઓ, રાજકુમારો, મહારાણી અને રાજકુમારીઓ આવી છે, જેમની કહાનીઓ આજે પણ લોકો કાલ્પનિક અને પરીકથાઓ માનતા હોઈએ છીએ, પરંતુ મોટાભાગની કહાનીઓ સાચી હતી.

આવી જ એક કહાની વડોદરાના ‘ગાયકવાડ રાજવી પરિવાર’ની રાજકુમારી ઇન્દિરા રાજેની પણ છે. ઇન્દિરા દેવી ભારતના સૌથી ધનિક રજવાડા ‘બરોડા શાહી પરિવાર’ની રાજકુમારી હતી. રાજકુમારી બ્રિટનમાં ઉછરી અને તેનો મોટાભાગનો સમય યુરોપમાં વિતાવ્યો હતો.

રાજકુમારી ઇન્દિરાને ફેશન નો ખૂબ જ શોખ હતો. તે સમયે, તેણે એક ખૂબ જ ખર્ચાળ ઇટાલિયન કંપની ‘સાલ્વાટોર ફેરાગ્મો’ ને પોતાના માટે 100 જોડી જૂતા બનાવવાનો આદેશ આપ્યો હતો. આ કંપની 20 મી સદીની સૌથી પ્રખ્યાત ડિઝાઇનર કંપની હતી. આજે પણ આ કંપની ના દુનિયાભરમાં હજારો વૈભવી શોરૂમ છે.

આ ઇટાલિયન કંપનીના માલિક સાલ્વાટોરે પોતાની આત્મકથામાં પણ લખ્યું છે કે, બરોડાની રાજકુમારી ઇન્દિરાએ તેમની કંપનીને જૂતા બનાવવાનો મોટો ઓર્ડર આપ્યો હતો. રાજકુમારીએ કહ્યું હતું કે તેના માટે એક સેન્ડલ બનાવવી જોઈએ જેમાં હીરા અને મોતી જડેલા હોય. આ સમય દરમિયાન, તેમણે ઓર્ડર સાથે મૂલ્યવાન હીરા, રત્નો અને મોતી પણ મોકલ્યા હતા.

શા કામ રાજકુમારીએ સગાઈ તોડી

ખરેખર, વડોદરાની રાજકુમારી ઇન્દિરાના લગ્ન તેના પિતાએ ગ્વાલિયરના પ્રખ્યાત ‘સિંધિયા રાજવી પરિવાર’ માં નક્કી કર્યા હતા. રાજકુમારી ઇન્દિરા ગાયકવાડની સગાઈ ગ્વાલિયરના ક્રાઉન પ્રિન્સ એટલે કે યુવરાજ માધો રાવ સિંધિયા સાથે થઈ હતી. ગ્વાલિયરનો સિંધિયા પરિવાર પણ તે સમયે ખૂબ શક્તિશાળી રાજ્ય હતો. આ હોવા છતાં, રાજકુમારી ઇન્દિરાએ સગાઈ તોડી નાખી.

આ કહાની છે વર્ષ 1911 ની. રાજકુમારી ઈન્દિરા તેના નાના ભાઈ સાથે દિલ્હી દરબાર એટલે કે વાઈસરોયની કોર્ટમાં ગઈ હતી. આ દરમિયાન તે કૂચ બિહારના તત્કાલીન મહારાજાના નાના ભાઈ જીતેન્દ્ર સાથે તેની મુલાકાત થઈ. તે રાજકુમાર જીતેન્દ્રથી એટલી પ્રભાવિત થઈ હતી કે ઈન્દિરા તેના પ્રેમમાં પડી ગઈ અને બંનેએ લગ્ન કરવાનું નક્કી કર્યું.

રાજકુમારી ઇન્દિરાએ વિચાર્યું કે જો તેના પિતાએ સગાઈ માટે ના પાડી તો વડોદરા રજવાડા અને ગ્વાલિયર રજવાડા વચ્ચેના રાજકીય સંબંધો બગડી શકે છે. તેથી, તે સમયે હિંમત દર્શાવતા, રાજકુમારી ઇન્દિરાએ પોતે એક પત્ર લખ્યો અને તેના મંગેતર માધો રાવ સિંધિયાને કહ્યું કે તે તેની સાથે લગ્ન કરવા માંગતી નથી.

20 મી સદીમાં કર્યા હતા લવ મેરેજ

રાજકુમારી ઈન્દિરાના માતા -પિતા ઈચ્છતા ન હતા કે તે રાજકુમાર જીતેન્દ્ર સાથે લગ્ન કરે કારણ કે જીતેન્દ્રની પ્લેબોય ઈમેજ હતી. તેણે જીતેન્દ્રને તેની પુત્રીથી દૂર રહેવાની ચેતવણી પણ આપી હતી, પરંતુ જીતેન્દ્ર અને ઇન્દિરાએ એકબીજા સાથે લગ્ન કરવાનું મન બનાવી લીધું હતું. આખરે, પ્રિન્સેસ ઇન્દિરાએ પોતાની સગાઈ તોડી નાખી અને લંડનની એક હોટલમાં પ્રિન્સ જીતેન્દ્ર સાથે લગ્ન કર્યા. તેમના લગ્નમાં ઈન્દિરાના પરિવારમાંથી કોઈ હાજર નહોતું.

રાજકુમાર જીતેન્દ્રના લગ્નના થોડા દિવસો બાદ તેમના મોટા ભાઈ એટલે કે કૂચ બિહારના મહારાજા રાજેન્દ્ર નારાયણનું નિધન થયું. આ પછી જીતેન્દ્ર ‘કૂચ બિહાર’ના મહારાજા બન્યા. બાદમાં મહારાજ જીતેન્દ્રનું પણ અતિશય પીવાના કારણે મૃત્યુ થયું હતું. આ પછી, રાણી ઇન્દિરા દેવીએ લાંબા સમય સુધી ‘કૂચ બિહાર’ રાજ્યનું શાસન સંભાળ્યું અને એકલા હાથે તેના 5 બાળકોની સંભાળ લીધી.

રાજકુમારી ઇન્દિરા અને રાજકુમાર જીતેન્દ્રનું લગ્નજીવન ખૂબ જ સુખી હતું. આ દરમિયાન તેમને 5 બાળકો પણ હતા. તેમની વચ્ચે પુત્રી ગાયત્રી દેવી પણ હતી. ગાયત્રી દેવીના લગ્ન જયપુરના મહારાજા સાથે થયા હતા જે જયપુરની મહારાણી ગાયત્રી દેવી તરીકે પ્રખ્યાત થયા હતા. જેની ગણતરી વિશ્વની સૌથી સુંદર મહિલાઓમાં થતી હતી.