આ જગ્યાએ ઉગાડવામાં આવે છે કાળા રંગનાં સફરજન, તેમની વિશેષતાઓ અને કિંમત જાણીને તમે ચોંકી જશો

અંગ્રેજી માં એક કહેવત છે જો તમે સાંભળી હોય તો, ‘એન એપલ ઈન અ ડે, કિપ ડોક્ટર અ વે’. ગુજરાતીમાં આનો અર્થ છે કે દરરોજ એક સફરજન ખાઓ અને ડોક્ટરથી દૂર રહો. સફરજન આપણા સ્વાસ્થ્ય માટે ખૂબ જ સારું છે. તેની અંદર ઘણા વિટામિન અને ખનિજો હોય છે. આ જ કારણે જો તેને દરરોજ ખાવામાં આવે, તો પછી શરીરને જરૂરી તમામ પોષક તત્વો સરળતાથી મળી જાય છે. આ સિવાય દરરોજ સફરજનના સેવનથી રોગો આપણાથી દૂર રહે છે.

જ્યારે તમે બજારમાં સફરજન ખરીદવા જાઓ છો, ત્યારે તમને ઘણી જાતો જોવા મળે છે. આમાં લાલ અથવા સહેજ લીલા સફરજન સૌથી સામાન્ય છે. સામાન્ય રીતે, સફરજન પણ અન્ય તમામ ફળો કરતાં વધુ મોંઘા હોય છે. તેમ છતાં તેમની કિંમત પણ મોસમ પર આધારિત હોય છે. ઘણા મધ્યમ વર્ગના લોકો દરરોજ સફરજન ખાતા નથી. આમ, તમે તમારા જીવનમાં ઘણા પ્રકારનાં સફરજન પણ ખાધા અથવા જોયા હશે. પરંતુ આજે અમે તમને એવા સફરજન વિશે જણાવવા જઈ રહ્યા છીએ, તમે તેના વિશે પહેલાં ક્યારેય નહીં સાંભળ્યું હોય.

આજે અમે તમને ‘બ્લેક ડાયમંડ એપલ’ (black diamond apple)વિશે જણાવવા જઈ રહ્યા છીએ. આ સફરજન Hua Niu પરિવારના હોય છે. આને ચાઇનીઝ રેડ ડિલીશિયસ પણ કહેવામાં આવે છે. આ સફરજન સામાન્ય લાલ અથવા લીલા સફરજન કરતા એકદમ અલગ છે. તેમનો રંગ ઘાટો જાંબુડિયો હોય છે. આ સફરજનની સમગ્ર વિશ્વમાં ખૂબ જ માંગ છે. તેમ છતાં તે દરેક દેશમાં ઉત્પન્ન થતા નથી, તેમનું ઉત્પાદન ફક્ત તિબેટના અમુક ભાગોમાં થાય છે.

આ સફરજન ફક્ત સમગ્ર દુનિયામાં તિબેટના નાઇંગ-ચી ક્ષેત્રમાં જોવા મળે છે. ચીનની એક કંપની પણ આ સફરજનની ખેતી 50 હેક્ટરમાં કરે છે. આ સ્થાન જમીન-સમુદ્ર સપાટીથી 3100 મીટરની ઉંચાઇ પર આવેલું છે. આ સ્થાન ખૂબ ઉંચાઇ પર છે. તેથી અહીં દિવસ અને રાતના તાપમાનમાં ઘણો ફરક છે. કેટલાક લોકો માને છે કે આ સફરજન પર દિવસ દરમિયાન ઘણી બધી અલ્ટ્રા વાયોલેટ કિરણો આવે છે.  જેના કારણે તેમનો રંગ જાંબુડિયો બની જાય છે.

‘બ્લેક ડાયમંડ એપલ’ ની ખેતી વર્ષ 2015માં શરૂ થઈ હતી. આ સફરજન બેઇજિંગ, ગુઆંગઝોઉ, શાંઘાઇ અને શેનઝેનના સુપરમાર્કેટ્સમાં સૌથી વધુ વેચાય છે. આ સફરજનની વિશેષ બાબત એ છે કે તે સ્વાદમાં મધ કરતાં વધુ મીઠા હોય છે. જે એકવાર આ સફરજન ખાય છે, તે આ સફરજન ખાવા માટે વારંવાર તડપે છે. આ સફરજન દેખાવ અને સ્વાદ બંનેમાં ખૂબ જ સારા હોય છે.

આ સફરજન એક કિલોને બદલે 6 થી 8ના પેકિંગમાં વેચાઈ છે. ‘બ્લેક ડાયમંડ એપલ’ ની કિંમત 50 યુઆન છે. જો તમે તેને રૂપિયામાં કન્વર્ટ કરો, તો તે લગભગ 500 રૂપિયા થાય છે. મતલબ કે એક સફરજન તમને 500 રૂપિયાની આસપાસ પડશે. આ ભાવ તમારામાંના ઘણાને વધારે લાગશે, પરંતુ તેની ઓછી વાવણી, સારો સ્વાદ અને અનન્ય દેખાવ તેને મોંઘા બનાવે છે.