ગોવિંદાએ તેની પ્રેમાળ પત્ની સુનિતાનો 50 મો જન્મદિવસ ખૂબ જ ખાસ અંદાજ માં ઉજવ્યો, જુઓ તસવીરો

બોલિવૂડના પ્રખ્યાત અભિનેતા ગોવિંદાની પત્ની સુનીતા આહુજાએ તાજેતરમાં 15 જૂને પોતાનો 50 મો જન્મદિવસ ઉજવ્યો છે. ગોવિંદાએ પોતાની પત્ની સુનિતાનો આ જન્મદિવસ ખૂબ જ શાનદાર રીતે ઉજવ્યો છે અને તેના ઘરે એક નાનકડી પાર્ટીનું આયોજન કરવામાં આવ્યું હતું.

અને ગોવિંદાના કેટલાક ખાસ મિત્રો જેવા કે શક્તિ કપૂર, ઉદિત નારાયણ અને રાજપાલ યાદવે પણ આ પાર્ટીમાં ભાગ લીધો હતો અને ગોવિંદાના બંને બાળકોએ પણ તેમની માતાની જન્મદિવસની પાર્ટીનો જોરદાર આનંદ માણ્યો હતો અને સુનિતાએ તેના જન્મદિવસની ઉજવણીની કેટલીક સુંદર તસવીરો તેના સોશિયલ મીડિયા એકાઉન્ટ પર શેર કરી છે. જેને ચાહકો ખૂબ જ પસંદ કરે છે અને તેમને જન્મદિવસની શુભેચ્છાઓ આપી રહ્યા છે.

ગોવિંદાની પત્ની સુનીતા સામાન્ય રીતે સાડી અથવા સૂટમાં જોવા મળે છે. પરંતુ તેના જન્મદિવસ પર સુનિતા ખૂબ જ ગ્લેમરસ લાગી રહી હતી અને તેણે તેના ગોલ્ડન જ્યુબિલી બર્થ ડે નિમિત્તે ખૂબ જ સુંદર શેડવાળા ગાઉન શિમરી ડ્રેસ પહેર્યો હતો. જેમાં સુનીતા ખુબ જ સુંદર લાગી રહી હતી. સુનિતાને આ લુકમાં જોયા પછી અનુમાન કરવું ખૂબ જ મુશ્કેલ થઈ ગયું કે તે 50 વર્ષની થઈ ગઈ છે.

સુનીતાની સાથે તેની દીકરી ટીના આહુજા પણ બ્લેક કલરના વેસ્ટર્ન આઉટફિટમાં ખૂબ જ સુંદર દેખાઈ રહી હતી. માતાના જન્મદિવસ નિમિત્તે પુત્ર હર્ષવર્ધન પણ ખૂબ જ સ્માર્ટ દેખાઈ રહ્યો હતો. આ ઉપરાંત સુપરસ્ટાર ગોવિંદા દરેક વખતની જેમ એકદમ હેન્ડસમ લાગી રહ્યા હતા અને તેણે પણ બ્લેક કલરનો સૂટ પહેરેલો હતો અને આ ખાસ પ્રસંગે ગોવિંદા તેના પરિવાર સાથે ખૂબ ખુશ દેખાઈ રહ્યા હતા.

તમને જણાવી દઈએ કે ગોવિંદાએ તેની પત્નીના 50 માં જન્મદિવસ પર આ ખૂબ જ ખાસ પાર્ટીનું આયોજન કર્યું હતું અને આ પાર્ટી રાતથી સવારના 3:30 વાગ્યા સુધી ચાલી હતી. બધાએ આ પાર્ટીનો જોરદાર આનંદ માણ્યો અને શક્તિ કપૂરે પાર્ટી ને મજેદાર બનાવવા માટે કેટલાક જોક્સ કહ્યા હતા અને રાજપાલ યાદવે પણ પાર્ટીનો જોરદાર આનંદ માણ્યો હતો.

તમને જણાવી દઈએ કે દર વર્ષે સુનિતા કોઈ ધાર્મિક સ્થળે મુલાકાત લઈને તેનો જન્મદિવસ પરિવાર સાથે ઉજવતા હતા. પરંતુ આ વખતે તેણીનો જન્મદિવસ તેની માતા અને તેના પરિવાર સાથે ઘરે ઉજવવા માંગતી હતી અને તેના કારણે તેના પતિ ગોવિંદાએ તેના માટે શાનદાર પાર્ટીનું આયોજન કર્યું હતું.  આ પાર્ટીને સુનિતાની સાથે તેના પરિવારના બધા સભ્યોએ સારી રીતે માણી હતી.

ગોવિંદાએ આ ઉજવણીની કેટલીક તસવીરો તેના સોશિયલ મીડિયા એકાઉન્ટ પર શેર કરી છે. આ તસવીરો શેર કરીને તેણે પત્ની સુનિતાને તેના જન્મદિવસ પર અભિનંદન આપ્યા છે અને લખ્યું છે કે, ‘ભગવાન સુનિતાને આશીર્વાદ આપે અને તેને બધી ખુશીઓ આપે.’

આ અંગે સુનિતાએ લખ્યું છે કે, ‘હું ભગવાનનો આભાર માનું છું કે આજે હું આ ખાસ સમય મારા પરિવાર સાથે વિતાવી રહી છું, જેમાં ગોવિંદા, ટીના, હર્ષ, મારી માતા સાવિત્રી અને ભાઈ દેબુએ પણ ભાગ લીધો હતો અને અમે આ ઉત્સવ ખૂબ ધાંધલધૂમથી ઉજવ્યો છે’.