જાણો ટીવી જગતનો લોકપ્રિય શો ‘અનુપમા’ ના કિરદારોના રીઅલ લાઈફ પાર્ટનર વિશે, જાણો વનરાજની પત્ની શું કરે છે?

ટીવી જગતનો લોકપ્રિય શો ‘અનુપમા’ વર્ષ 2020 થી દર્શકોનું મનોરંજન પૂરું પાડે છે. જો કે, શોના પ્રખ્યાત પાત્રો જેવા કે અનુપમા (રૂપાલી ગાંગુલી), વનરાજ (સુધાંશુ પાંડે) અને કાવ્યા (મદાલસા શર્મા) વિશે બધા લોકો જાણે છે. પરંતુ આ બધાના વાસ્તવિક જીવનસાથીઓ વિશે ભાગ્યે જ કોઈને ખબર હશે. તો ચાલો આજે અમે તમને આ શોના મુખ્ય પાત્રોના વાસ્તવિક જીવન સાથીઓ વિશે જણાવીશું. આ ઉપરાંત, એ પણ કહીએ કે શોના ક્યાં કિરદાર કેટલી ફી લે છે.

તમને જણાવી દઈએ કે અનુપમા એવી મહિલા ની કહાની છે. જે તેના પરિવારને બધું જ માને છે. પરંતુ તેને તે સમ્માન મળતું નથી, જેની તે લાયક છે. આ શો વર્ષ 2020 થી લોકોનું મનોરંજન કરે છે. પ્રસારણમાં હોવાથી ટીઆરપીએ યાદીમાં પોતાનું સ્થાન જાળવી રાખ્યું છે. તો ચાલો આપણે જાણીએ આ શો ના રિયલ લાઇફ પાર્ટનર્સ વિશે.

કોણ છે ‘અનુપમા’ ઉર્ફ રૂપાલી ગાંગુલી ના પતિ?

આ શોમાં લોકપ્રિય ટીવી અભિનેત્રી રૂપાલી ગાંગુલી શો માં મુખ્ય પાત્ર ‘અનુપમા’ નું ભજવી રહી છે. આખી કહાની તેમની આજુબાજુની છે. રૂપાળી ગાંગુલીએ તેના અભિનયની કારકીર્દિની શરૂઆત ડીડી ચેનલની પ્રખ્યાત સીરિયલ ‘સુકન્યા હમારી બેટીયા’ થી કરી હતી. જોકે, સિરિયલ ‘સંજીવની’ માં નકારાત્મક ભૂમિકામાં નજર આવી ચૂકેલી રૂપાલીએ દર્શકોના દિલમાં પોતાનું સારું એવું સ્થાન બનાવ્યું હતું. આ દિવસોમાં તે રૂપાળી પ્રખ્યાત સીરિયલ ‘અનુપમા’ માં જોવા મળે છે. જે લાંબા સમયથી ટીઆરપીની યાદીમાં ટોચ પર રહી છે. ‘પરવરીશ’, ‘કુછ ખટ્ટે કુછ મીઠી’, ‘કહાની ઘર ઘર કી’ અને ‘સારાભાઇ વર્સ સારાભાઇ’ જેવી સિરિયલોમાં કામ કરી ચૂકેલી રૂપાલી ગાંગુલી હવે ટીવી ઇન્ડસ્ટ્રીમાં એક મોટું નામ બની ગયું છે.

પ્રોફેશનલ લાઇફ ઉપરાંત રૂપાળીની લવ લાઇફ પણ ઘણી રસપ્રદ છે. રૂપાળીએ 6 ફેબ્રુઆરી 2013 ના રોજ ઉદ્યોગપતિ અને ફિલ્મ નિર્માતા અશ્વિન કે વર્મા સાથે લગ્ન કર્યા છે. બંને લગ્નના 12 વર્ષ પહેલા એકબીજાને જાણતા હતા. લગ્ન પહેલા રૂપાલી અને અશ્વિન સારા મિત્રો બન્યા હતા અને ધીરે ધીરે તેમની મિત્રતા પ્રેમમાં ફેરવાઈ ગઈ. તે જ સમયે, લગ્ન પછી વર્ષ 2015 માં દંપતીએ તેમના દીકરા રુદ્રાંશને તેમના ઘરે આવકાર આપ્યો. અભિનેત્રી પોતાના પર્સનલ લાઈફથી ઘણી ખુશ રહે છે.

‘અનુપમા’ શો માટે રૂપાલી ગાંગુલી કેટલી ફીસ લે છે?

જો આપણે અભિનેત્રીની ફી વિશે વાત કરીએ તો ‘ઇન્ડિયા ડોટ કોમ’ ના અહેવાલ અનુસાર રૂપાળી એક એપિસોડ માટે આશરે 60 હજાર રૂપિયા ચાર્જ લે છે.

સુધાંશુ પાંડે ઉર્ફે ‘વનરાજ’ ની પત્ની કોણ છે?

અનુપમાના પતિ સુધાંશુ પાંડે, જેમણે સિરિયલ ‘અનુપમા’ માં વનરાજની ભૂમિકા ભજવી હતી, તે બોલિવૂડ એક્ટર અક્ષય કુમારની 2000 ની એક્શન ફિલ્મ ‘ખિલાડી 420’ માં હતા. સુધાંશુ પાંડેએ આ ફિલ્મ સાથે ફિલ્મ જગતમાં પ્રવેશ કર્યો હતો. 46 વર્ષીય સુધાંશુ પાંડે ઘણી ટીવી સિરિયલોમાં જવા મળ્યા છે, પરંતુ તેમને વાસ્તવિક ઓળખ ફક્ત અનુપમામાં મળી. સુધાંશુ પાંડે લગ્ન કર્યા છે. તેમની પત્નીનું નામ મોના પાંડે છે. મોના હાઉસવાઈફ છે. મોના પાંડે મીડિયાની ઝગઝગાટથી દૂર રહે છે. સુધાંશુ પાંડેને બે દીકરા નિર્વાણ અને વિવાન છે. અભિનેતા તેના અંગત જીવનમાં ખૂબ જ સ્થાયી વ્યક્તિ છે.

સુધાંશુ પાંડે ‘અનુપમા’ શો માં કેટલો ફીસ લે છે?

‘અનુપમા’ સિરિયલના એક એપિસોડ માટે સુધાંશુ 50 હજાર રૂપિયા લે છે.

મદાલસા શર્મા ઉર્ફે ‘કાવ્યા ગાંધી’ ના પતિ કોણ છે?

આ શોમાં ‘કાવ્યા ગાંધી’નું પાત્ર ભજવનાર મદાલસા શર્મા એક મોડેલ અને અભિનેત્રી છે. તેણે હિન્દી, તેલુગુ, કન્નડ, તામિલ, જર્મન અને પંજાબી ભાષાઓમાં ફિલ્મોમાં કામ કર્યું છે. મદાલસા શર્મા પ્રખ્યાત અભિનેતા મિથુન ચક્રવર્તી અને યોગિતા બાલીના પુત્ર મહાક્ષય ચક્રવર્તીની પત્ની અને ફિલ્મ નિર્માતા સુભાષ શર્મા અને અભિનેત્રી શીલા શર્માની પુત્રી છે. મદાલસા શર્મા અનેક પ્રાદેશિક ફિલ્મોમાં જોવા મળી છે. મદાલસા ખૂબ જ સુંદર છે અને તે સોશિયલ મીડિયા પર ઘણીવખત પોતાની તસવીરો શેર કરતી રહે છે. મહાક્ષય અને મદાલસાએ વર્ષ 2018 માં લગ્ન કર્યાં હતાં. મહાક્ષય પણ તેના પિતા જેમ અભિનેતા છે. તેણે 2008 માં આવેલી ફિલ્મ ‘જીમ્મી’થી’ મીમોહ ‘તરીકે ફિલ્મની શરૂઆત કરી હતી. તે પછી તેણે ઘણી ફિલ્મોમાં કામ કર્યું છે.

‘અનુપમા’ શો માટે મદાલસા કેટલી ફીસ લે છે?

અહેવાલો અનુસાર, મૃદાલસા અનુપમા સિરિયલના એક એપિસોડ માટે 30,000 રૂપિયા લે છે.

તસનીમ શેખ ઉર્ફે ‘રાખી દવે’ ના પતિ કોણ છે?

આ સીરિયલમાં રાખી દવેની ભૂમિકા નિભાવી રહેલી તસનીમ શેખ આ શોમાં અનુપમા-વનરાજની સાથી છે. તસનીમ એક ટેલિવિઝન અભિનેત્રી છે. તે 1997 થી ટીવી ઇન્ડસ્ટ્રીમાં કામ કરી રહી છે. તસનીમ ‘બાબુલ કી દુઆન લેતી જા’, ‘એક વિવાહ એસા ભી’ અને ‘કુસુમ’ જેવી પ્રખ્યાત સિરિયલોમાં જોવા મળી છે. તસનીમે વર્ષ 2006 માં સમીર તેરુરકર સાથે લગ્ન કર્યા હતા. તેમના વિશે વધારે માહિતી ઉપલબ્ધ નથી. તસનીમ અને સમીરની એક પુત્રી છે. જેનું નામ તિયા તેરુરકર છે. અભિનેત્રી પોતાની પર્સનલ લાઈફથી લાઈમલાઇટને દૂર રાખે છે.

‘અનુપમા’ શો માટે તસનીમ શેખ ની ફી?

એક એપિસોડ માટે તસનીમ ને 26 હજાર રૂપિયા આપવામાં આવે છે.

અનુપમાના ‘બાપુજી’ ઉર્ફે અરવિંદ વૈદ્યના વિશે

આ શોમાં વનરાજ શાહના  ‘બાપુજી’ ની ભૂમિકા નિભાવનારા વરિષ્ઠ અભિનેતા અરવિંદ વૈદ્ય, ટીવી ઇન્ડસ્ટ્રીના જાણીતા અભિનેતા છે. તેણે જયશ્રી વૈદ્ય સાથે લગ્ન કર્યા. તેની પત્ની વિશે વધારે માહિતી ઉપલબ્ધ નથી. તેમની એક પુત્રી છે. જેનું નામ વંદના પાઠક છે. વંદના પણ ટીવી ઇન્ડસ્ટ્રીની લોકપ્રિય અભિનેત્રી છે. વંદનાએ ફિલ્મ નિર્દેશક નીરજ પાઠક સાથે લગ્ન કર્યા છે. તેમને બે બાળકો છે. જેમના નામ રાધિકા અને યશ છે. તેમની ફી વિશે માહિતી ઉપલબ્ધ નથી.

અનુપમાના ‘લીલા હસમુખ શાહ’ ઉર્ફે અલ્પના બુચ વિશે જાણો

આ શોમાં ‘લીલા હસમુખ શાહ’ નું પાત્ર ભજવનારી અભિનેત્રી અલ્પના બૂચ સીરિયલમાં બા ની ભૂમિકા નિભાવી રહ્યા છે. અલ્પના બુચ ટીવીની દુનિયામાં એક જાણીતું નામ છે. તેનો ચહેરો તેના પાત્રને બયા કરે છે. અલ્પના ‘બાલવીર’ અને ‘અલાદિન: નામ તો સુના હી હોગા’ જેવા શોમાં નજર આવી છે. તેણે ઘણી ફિલ્મો પણ કરી છે. અલ્પના બૂચે હિન્દી અને ગુજરાતી સ્ટેજ આર્ટિસ્ટ મેહુલ બુચ સાથે લગ્ન કર્યાં છે. દંપતીને ભવ્યા નામની પુત્રી છે. અનુપમા માટે તેમની ફી અંગેની માહિતી ઉપલબ્ધ નથી.

અત્યારે, અમે તમને ટીવીના લોકપ્રિય શો ‘અનુપમા’ ના મુખ્ય પાત્રોના વાસ્તવિક જીવન પાર્ટનર વિશે કહ્યું છે. અમે તમારા માટે આવી જ રોચક કહાની લાવતા રહીએ છીએ અને તેને આગળ લાવતા રહીશું. બોલીવુડના વધુ સમાચારો માટે અમને ફોલો જરૂર કરો.